"လားရှိုး (ရှမ်းရှမ်း)" ကနေ ဒီကနေ့မှာတော့ အလွယ်ကူဆုံးနည်းလမ်းနဲ့ တို့ဟူးနွေးအနှစ်ကြိုချက်နည်းကို ပြောပြပေးချင်ပါတယ်နော်။ 😋

✔ ပထမဦးဆုံးအနေနဲ့ တို့ဟူးမှုန့်ကို ရေမှာစိမ်ထားပြီး အမှုန့်တွေအနည်ကျသွားတဲ့အခါ အခဲလေးတွေမကျန်တော့တဲ့အထိ အချိန်ပေးပြီး သမအောင်မွှေပါ။ အနှစ်ကြိုတဲ့အခါ အိုးမကပ်အောင် ပြောင်းဖူးကော်မှုန့်အနည်းငယ်ကိုလည်း ရေဖျော်ပေးထားပါ။

✔ ထို့နောက် အိုးထဲသို့ ဖျော်ထားတဲ့တို့ဟူးရည်နဲ့ ပြောင်းကော််ရည်ကို ဇကာနဲ့စစ်ပြီးထည့်ပါ။ အရသာအတွက် ဆားနဲ့ သကြားကို လက်ဖက်ရည်ဇွန်းတစ်ဇွန်းခန့်ထည့်ပါ။ အရောင်လှဖို့အတွက် နနွင်းအနည်းငယ်ထည့်ပါ။

✔ ပါဝင်ပစ္စည်းအားလုံး ထည့်ပြီးသွားပြီဆိုရင်တော့... မီးအေးအေးလေးနဲ့ အိုးမကပ်အောင် ဆက်တိုက်‌မွှေပေးပါ။ ပဲစိမ်းနံ့ပျောက်ပြီး အရည်ခပ်ပျစ်ပျစ်လေးဖြစ်လာပြီဆိုရင်တော့... လွယ်ကူရိုးရှင်းပြီး အရသာရှိတဲ့ တို့ဟူးနွေးအနှစ်ကို ရရှိလာပြီပဲဖြစ်ပါတယ်။

🍜 အခုလို အလုပ်ရှုပ်မခံဘဲ အရသာရှိတဲ့ တို့ဟူးနွေးတစ်ပွဲကို အချိန်တိုအတွင်း သုံးဆောင်ချင်တယ်ဆိုရင်တော့... Halal အသိအမှတ်ပြု "လားရှိုး (ရှမ်းရှမ်း)" အမှတ်တံဆိပ် အသင့်စားတို့ဟူးနွေးအထုပ်ကို အိမ်မှာဝယ်ဆောင်ထားဖို့ပဲလိုပါတယ်နော်။ 🥰