💙 ငရုတ်ကောင်းချက် spice mix လေးကတော့ တရုတ်မဆလာကို အခြေခံပြီး တရုတ်ဟင်းလျာဆန်ဆန် ချက်ပြုတ်ဖို့ ဖန်တီးထုတ်လုပ် ထားပါတယ်။

ပါဝင်ပစ္စည်း နဲ့ အရသာ
ပါဝင်တဲ့ ဟင်းခတ်အမွှေးအကြိုင်တွေကတော့ ကြက်သွန်နီ၊ ကြက်သွန်ဖြူ၊ ချင်း၊ တရုတ်မဆလာ၊ ငရုတ်အပုတောင့်၊ နနွင်း နဲ့ အရသာအတွက် Dashi တို့ကိုပေါင်းစပ်ထုတ်လုပ်ထားပါတယ်။ တရုတ်ဟင်းလျာတော်တော်များများသုံးတဲ့ Five spice မဆလာ မှာ သစ်ဓါတ်၊အပူဓါတ်၊ မြေကြီးဓါတ်၊ သံဓါတ်၊ ရေဓါတ် ဆိုပြီး ဓါတ် (၅) မျိုးပေါင်းစပ် ထုတ်လုပ်ထားခြင်းလို့ တရုတ်လူမျိုးတွေက ယုံကြည်ကျပါတယ်။ အဆီများတဲ့ အသားတွေဖြစ်တဲ့ ဝက်သား နဲ့ ဘဲသားတွေမှာ Five spice ကို အသုံးများကျပါတယ်။ spice note အရဆိုရင် ချိုချို၊ နွေးနွေး၊ အီအီလေးပါ။

ချက်ပြုတ်နိုင်မယ့်ဟင်းလျာများ
ချက်ပြုတ်နိုင်မယ့် ဟင်းပွဲလေးတွေကတော့ ဆိတ်အူကြမ်းငရုတ်ကောင်း ၊ ဝက်နံရိုးပေါင်း၊ ဝက်သုံးထပ်သားပေါင်း၊ ဘဲပေါင်း ချက်ပြုတ်နိုင်ပါတယ်။